Responsive Ad Slot

Slider

ಭಾಗಗಳು - ಕಾಲು, ಅರ್ಧ, ಮುಕ್ಕಾಲು ಹಾಗೂ ಪೂರ್ಣ

ಒಂದು ವಸ್ತುವಿನ ರಾಶಿಯ ಪ್ರಮಾಣವನ್ನು ಹಲವು  ರೀತಿಯಲ್ಲಿ ಭಾಗವಾಗಿ ವಿಭಾಗಿಸಬಹುದು.

ಅರ್ಧ ಭಾಗ

ಒಂದು ವಸ್ತುವನ್ನು ಎರಡು  ಸಮ ಭಾಗ ಮಾಡಿದರೆ ಎರಡು ಅರ್ಧ ಭಾಗ ಆಗುತ್ತದೆ.

ಅರ್ಧ ಭಾಗ ಎಂದರೆ ಎರಡನೇಯ ಒಂದು ಭಾಗ. ಅಂದರೆ 1/2 ಅಥವಾ 50% ಪಾಲು ಆಗುತ್ತದೆ.

ಕಾಲು ಭಾಗ

ಒಂದು ವಸ್ತುವನ್ನು ನಾಲ್ಕು ಸಮ ಭಾಗ ಮಾಡಿದರೆ ನಾಲ್ಕು ಕಾಲು ಭಾಗ ಆಗುತ್ತದೆ.

ಕಾಲು ಭಾಗ ಎಂದರೆ ನಾಲ್ಕನೇಯ ಒಂದು ಭಾಗ. ಅಂದರೆ 1/4 ಅಥವಾ 25% ಪಾಲು ಆಗುತ್ತದೆ.

ಮುಕ್ಕಾಲು ಭಾಗ

ಒಂದು ವಸ್ತುವಿನಿಂದ ಕಾಲು ಭಾಗ ತೆಗೆದರೆ ಮುಕ್ಕಾಲು ಭಾಗ ಉಳಿಯುತ್ತದೆ.

ಮುಕ್ಕಾಲು ಭಾಗ ಎಂದರೆ ನಾಲ್ಕನೇಯ ಮೂರು ಭಾಗ. ಅಂದರೆ 3/4 ಅಥವಾ 75% ಪಾಲು ಆಗುತ್ತದೆ.

ಕಾಲು, ಅರ್ಧ, ಮುಕ್ಕಾಲು


ಒಂದು ವಸ್ತುವನ್ನು 4 ಸಮನಾದ ಭಾಗ ಮಾಡಿ  ಅದರಲ್ಲಿ  ಒಂದು ಭಾಗ ಕಾಲು ಭಾಗ, ಎರಡು ಭಾಗ  ಅರ್ಧ ಭಾಗ,  ಮುರು ಭಾಗ ಮುಕ್ಕಾಲು ಭಾಗ ಹಾಗೂ ನಾಲ್ಕು ಭಾಗ  ಪೂರ್ಣ ಭಾಗ  ಆಗುತ್ತದೆ.

ಕಾಲು ಭಾಗ - 1/4

ಅರ್ಧ ಭಾಗ - 2/4 = 1/2

ಮುಕ್ಕಾಲು ಭಾಗ - 3/4

ಪೂರ್ಣ ಭಾಗ - 4/4 = 1

ಮೇಲೆ   ಒಂದು  ಆಯತಾಕಾರದ ಭಾಗ ಮಾಡುವದನ್ನು   ನೋಡಿದಿರಿ.  ಈಗ  ವೃತ್ತವನ್ನು ಅಂದರೆ ಸರ್ಕಲ್  ಭಾಗ ಮಾಡಿ  ನೋಡೋಣ.

ವೃತ್ತದ ಭಾಗ

ಉದಾಹರಣೆಗೆ ಅಮ್ಮ ದೋಸೆಗಳನ್ನು ಮನೆಯವರಿಗೆಲ್ಲ ಬಡಿಸುತ್ತಿದ್ದಾಳೆ. 

ಒಬ್ಬ ಕಾಲು, ಇನ್ನೊಬ್ಬ  ಅರ್ಧ, ಮತ್ತೊಬ್ಬ ಮುಕ್ಕಾಲು ಮತ್ತು ಪೂರ್ತಿ ದೋಸೆ ಕೇಳಿದರೆ  ಈ ಮೇಲಿರುವ ಹಾಗೆ ಭಾಗ ಮಾಡಿ ಕೊಡಬೇಕು. ಗುಲಾಬಿ ಬಣ್ಣ  ದೋಸೆ ಚೂರು ಎಂದು  ಭಾವಿಸಿ.

ಈಗ ಗೊತ್ತಾಯ್ತಲ್ಲ ಕಾಲು, ಅರ್ಧ, ಮುಕ್ಕಾಲು, ಪೂರ್ಣ ಭಾಗ ಎಂದರೆ?

 ಈ ಲೇಖನ ಜುಲೈ ೧೭ ೨೦೧೮ ರಲ್ಲಿ ಬಾಲವಿಸ್ಮಯ ಬ್ಲಾಗ್ ಅಲ್ಲೀ ರಾಜೇಶ ಹೆಗಡೆ ಅವರಿಂದ ಪ್ರಕಟ ಆಗಿತ್ತು.

0

ಕಾಮೆಂಟ್‌ಗಳಿಲ್ಲ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ನಿಮ್ಮ ಅನಿಸಿಕೆ

blogger
© ಎಲ್ಲಾ ಹಕ್ಕುಗಳನ್ನು ಕಾದಿರಿಸಲಾಗಿದೆ, ಅನುಮತಿ ಇಲ್ಲದೇ ಲೇಖನಗಳನ್ನು ನಕಲು ಮಾಡುವಂತಿಲ್ಲ.
ವಿಸ್ಮಯನಗರಿ.ಕಾಂ