Responsive Ad Slot

Slider

ಹೋಲಿಕೆಯ ದಿಕ್ಕುಗಳು

ಒಂದು ವ್ಯಕ್ತಿ, ವಸ್ತು ಅಥವಾ ಸ್ಥಳಕ್ಕೆ ಸಂಬಂಧಿಸಿದ ಹಾಗೆ ಕಾಣಿಸುವ ದಿಕ್ಕುಗಳನ್ನು ಸಂಬಂಧಿತ ದಿಕ್ಕು ಅಂತ ಕರೆಯಬಹುದು. ಇದನ್ನು ಹೋಲಿಕೆಯ ಅಥವಾ ತುಲನಾತ್ಮಕ ದಿಕ್ಕು ಅಂತಾನೂ ಹೇಳಬಹುದು.

ಇದು ಸಂಪೂರ್ಣವಾಗಿ ಆಯಾ ವ್ಯಕ್ತಿ, ವಸ್ತು ನಿಂತಿರುವ ದಿಕ್ಕಿನ ಮೇಲೆ ಅವಲಂಭಿಸಿರುತ್ತದೆ.

  • ಎಡ 
  • ಬಲ 
  • ಮುಂದೆ 
  • ಹಿಂದೆ 
  • ಮೇಲೆ 
  • ಕೆಳಗೆ

ಬೇರೆ ಭಾಷೆಗಳಲ್ಲಿ ಇದೇ ಸಂಬಂಧಿತ ದಿಕ್ಕುಗಳಿಗೆ ಏನನ್ನುತ್ತಾರೆ ನೋಡೋಣ.

ಕನ್ನಡಇಂಗ್ಲೀಷ್ಸಂಸ್ಕೃತ
ಎಡಲೆಫ್ಟ್ವಾಮ / ಉತ್ತರ
ಬಲರೈಟ್ದಕ್ಷಿಣ
ಮುಂದೆಫ್ರಂಟ್ಪುರ
ಹಿಂದೆಬ್ಯಾಕ್ಪೃಷ್ಟ
ಮೇಲೆಅಪ್ಉಪರಿ
ಕೆಳಗೆಡೌನ್ಅಧಃ

ಪ್ರತಿ ವಸ್ತು / ವ್ಯಕ್ತಿ ಹೋಲಿಕೆಯ ದಿಕ್ಕು ಬೇರೆ ಬೇರೆ

 ಇಬ್ಬರು ವ್ಯಕ್ತಿಗಳು ಬೇರೆ ಬೇರೆ ದಿಕ್ಕಿನಲ್ಲಿ ನಿಂತಿದ್ದರೆ ಅದಕ್ಕೆ ಅನುಗುಣವಾಗಿ ಅವರ ಸಂಬಂಧಿತ ದಿಕ್ಕುಗಳು ಬದಲಾಗುತ್ತದೆ. 

ವಸ್ತು, ವ್ಯಕ್ತಿ ಹಾಗೂ ಸ್ಥಳದ ಮುಂಭಾಗ ಗುರುತಿಸಲು ಸಾಧ್ಯವಿದ್ದರೆ ಮಾತ್ರ ಎಡ, ಬಾಲ ಹಾಗೂ ಹಿಂಭಾಗ ಗುರುತಿಸಬಹುದು. ಇಲ್ಲದಿದ್ದರೆ ಆಗದು.

ಭೂಮಿಯ ದಿಕ್ಕಿಗೆ ಆಧಾರಿತ ಅಲ್ಲ

ಸಂಬಂಧಿತ ದಿಕ್ಕುಗಳು ಭೂಮಿಯ ದಿಕ್ಕುಗಳ ಮೇಲೆ ಆಧಾರಿತವಾಗಿಲ್ಲ. ವಸ್ತು ಅಥವಾ ವ್ಯಕ್ತಿ ಉತ್ತರಕ್ಕೆ ಇರಲಿ ಅಥವಾ ದಕ್ಷಿಣಕ್ಕೆ ಮುಖ ಮಾಡಿರಲಿ ಅದರ ಸಂಬಂಧಿತ ದಿಕ್ಕುಗಳು ಬದಲಾಗುವುದಿಲ್ಲ. ಅದು ಆಯಾ ವ್ಯಕ್ತಿ ಅಥವಾ ವಸ್ತು ಯಾವ ಕಡೆ ಮುಖ ಮಾಡಿದೆ ಎಂಬುದರ ಮೇಲೆ ಮಾತ್ರ ಅವಲಂಬಿಸಿರುತ್ತೆ.

ಆದರೆ ಕಂಪಾಸ್ ದಿಕ್ಕು ಅವರಿಬ್ಬರಿಗೂ ಒಂದೇ. 

ಉದಾಹರಣೆ: ಉತ್ತರ ದಿಕ್ಕು ಅನ್ನುವದು ಇಬ್ಬರು ವ್ಯಕ್ತಿ ಎಲ್ಲೇ ಮುಖ ಮಾಡಿದ್ದರೂ ಅದು ಒಂದೇ.

ಸುತ್ತ-ಮುತ್ತ

ಅಕಸ್ಮಾತ್ ನಿರ್ದಿಷ್ಟ ದಿಕ್ಕು ಅಗತ್ಯ ವಿಲ್ಲದಿದ್ದರೆ ಅಕ್ಕ-ಪಕ್ಕ, ಆಜು-ಬಾಜೂ ಅಥವಾ ಸುತ್ತ-ಮುತ್ತ ಎನ್ನಬಹುದು. 

ಇದು ಆ ವ್ಯಕ್ತಿ, ಸ್ಥಳ ಅಥವಾ ವಸ್ತುವಿನ ಸುತ್ತಲಿನ ಎಲ್ಲ ಸಂಬಂಧಿತ ದಿಕ್ಕುಗಳನ್ನು ಸೂಚಿಸುತ್ತದೆ.

ಅಭ್ಯಾಸ: ಮಕ್ಕಳನ್ನು ಬೇರೆ ಬೇರೆ ದಿಕ್ಕಲ್ಲಿ ನಿಲ್ಲಿಸಿ ಅವರ ಸಂಬಂಧಿತ ದಿಕ್ಕುಗಳನ್ನು ಗುರುತಿಸುವಂತೆ ಹೇಳಿ.

ಮೂಲ ಲೇಖನ ಜುಲೈ ೧೯ ೨೦೧೮ ರಂದು ಬಾಲವಿಸ್ಮಯದಲ್ಲಿ ರಾಜೇಶ ಹೆಗಡೆ ಅವರಿಂದ ಪ್ರಕಟವಾಗಿತ್ತು.

0

ಕಾಮೆಂಟ್‌ಗಳಿಲ್ಲ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ನಿಮ್ಮ ಅನಿಸಿಕೆ

blogger
© ಎಲ್ಲಾ ಹಕ್ಕುಗಳನ್ನು ಕಾದಿರಿಸಲಾಗಿದೆ, ಅನುಮತಿ ಇಲ್ಲದೇ ಲೇಖನಗಳನ್ನು ನಕಲು ಮಾಡುವಂತಿಲ್ಲ.
ವಿಸ್ಮಯನಗರಿ.ಕಾಂ